Stafell Gerdd

Mae hi'n Dydd Miwsig Cymru ar y 05/02 felly dyma gasglu rhai o fy hoff rhestrau chwarae o Spotify i chi gael sbio arnyn nhw.  Mae'r rhain yn dod o'r ddau gyfri, Miwsig a Ywain Gwynedd ac yn sicr mae'n werth cael golwg ar eu rhestrau chwarae i gyd, mae na rhywbeth ar gyfer pob achlysur yna! Dyma nhw: Y caneuon gorau os ti'n 10 oed gan Nel - dwi ddim yn gwybod pwy di Nel ond mae ganddi dast  ardderchog mewn cerddoriaeth.  Gweithio o Adre - rhestr o ganeuon i gadw cwmni i chi tra da chi'n gweithio o adre.  Yn y bar - dwi'n gwybod does na neb yn mynd i far, na chaffi, na bwyty dyddia yma ond dyma restr chwarae o ganeuon i'w rhoi mlaen yn y gegin i esgus bod yn rhywle arall. 2020 - rhai o ganeuon Cymraeg gorau 2020. Ma na glasuron modern yn fama ac rhai o ffefrynau fy mab 4 oed.  Dolig - ydy, dwi'n gwybod ei bod hi'r amser hollol rong  o'r flwyddyn ar gyfer rhestr chwarae Dolig ond mi oedd hwn ar repeat  yn tŷ ni fis Rhagfyr.  Reggae Cymraeg - ne

Dechrau'r wythnos hon roedd arwr y Sin Roc Gymraeg, Geraint Jarman yn dathlu ei benblwydd yn 70. Dyma gyfweliad efo fo ar wefan y BBC: https://www.bbc.co.uk/cymrufyw/53802556 Mae Geraint Jarman yn un o'r rhain blaenllaw wnaeth ddatblygu gwir arddull pop drwy gyfrwng y Gymraeg. Daeth i amlygrwydd gyda'r band Bara Menyn (gyda Heather Jones a Meic Stevens) cyn rhyddhau ei albwm unigol Gobaith Mawr y Ganrif   yn 1976. Gwnaeth yr albwm yma argraff mawr gan ei bod yn dangos dylanwad reggae cryf.  Dyma dair albwm gan Geraint Jarman i roi cynnig arni: Hen Wlad fy Nhadau (1978) - yr albwm sy'n agor gyda un o draciau mwya eiconig yr iaith Gymraeg, Etheopia Newydd .  Rhiniog (1992) - dwi'n cofio  Tracsiwt Gwyrdd  yn cael ei chwarae'n ddibaid ar y radio pan o'n i'n blentyn.  Brecwast Astronot  (2011) - un o albymau diweddar Jarman yn llawn traciau cofiadwy ac yn dal i swnio'n fodern ac arloesol.  Mae mwy o wybodaeth ar Geraint Jarman yma:  https://cy.wikipedia.o

Dechrau Awst cyhoeddwyd Mirores  gan Ani Glass yn Albwm Cymraeg y Flwyddyn 2020.    Mae Ani Glass yn artist sy'n perfformio cerddoriaeth electronig. Mae mwy o'i hanes ar wefan Y Selar yma: https://selar.cymru/2020/mirores-yn-ennill-teitl-albwm-cymraeg-y-flwyddyn/ Mae'n sicr yn albwm drawiadol iawn, a dwi'n eich annog i fynd i wrando arni. Dwi'n siwr y bydd herio eich syniad o beth ydy "Cerddoriaeth Gymreig".  https://open.spotify.com/album/7dn4099zYJEOIXZwDnPNR6?si=fkCGYO4NR0OZNippep9D5A ----------------------------------------------------- At the beginning of August Mirores  by Ani Glass was announced Albwm Cymraeg y Flwyddyn for 2020.  Ani Glass is an artist which performs electronig music. Ani is a seasoned performer and has been a member of The Pippettes and The Lovely Wars before releasing solo music. After her solo EP "Y Ffrwydra Tawel" this is her first album.  Mirores comes from the Cornish word Miras which is "to see" and sugg

Cyhoeddwyr rhestr fer Albwm Cymraeg y Flwyddyn heddiw.  Dyma'r erthygl o wefan Cymru Fyw: https://www.bbc.co.uk/cymrufyw/53099043 Dwi'n edrych ymlaen i wrando ar rhain dros yr wythnosa nesa a clywed pa un sy'n ennill ar y 1af o Awst.  ------------------------------------------------- The shortlist for Albwm Cymraeg y Flwyddyn was released today.  Here's the article from Cymru Fyw: https://www.bbc.co.uk/cymrufyw/53099043 I'm looking forward to listening to these over the next few weeks and finding out who wins on the 1st of August. 

Mae heddiw'n 20 mlynedd i'r diwrnod ers i'r albwm mwyaf poblogaidd yr iaith Gymraeg gael ei rhyddhau, sef Mwng gan y Super Furry Animals. Fe gyrhaeddodd yr albwm, sy'n cynnwys caneuon Cymraeg yn unig, rhif 11 yn siart yr albyms yn yr DU a chael sylw enfawr ledled y byd. Teithiodd y band ar draws y byd gan berfformio caneuon o'r albwm i ganmoliaeth uchel.  Mae llawer o'r caneuon yn cadw at y fformat pop-gwerin syml sydd i'w glywed yng nghaneuon y grwp. Ond yn wahnaol i albyms eraill y band, mae'r trefnianau ar Mwng yn cael eu cadw'n eithaf syml hefyd.   Heb os, dyma un o'r albyms sydd wedi cael y dylanwad mwyaf ar y iaith Gymraeg a Chymreictod, gan ysbrydoli pobl ar hyd a lled i byd i ddysgu am y wlad a'r iaith. Mae hi'n bwysig sylwi dylanwad yr albwm ar gerddoriaeth Gymraeg, un o'r pethau cyntaf i Band Pres Llareggub ei ryddhau oedd eu fersiwn nhw eu hunain o'r albym gyfan.  Felly i ddathlu heddiw beth am wrando ar Mwng i gyd ar e

Dyma drac i mi ei chlywed ar y radio chydig wythnosa nol. Mae o'n ddarn mor hardd am y sefyllfa yda ni ynddi dyddia ma. A dwi wrth fy modd efo'r geiria: If I can't take flight then inside I'll sing Dyma'r fideo oddi ar youtube ac mae posibl ei ffeindio ar spotify hefyd.      Mae'r gan ar ffurf stroffig (penillion) ac mae'n werth gwrando ar y trefniant gwahanol sydd ymhob pennill.  -------------------------------------------------------- Here's a track I heard on the radio a few weeks back. It's a beautiful piece about the situation we're in these days. And I think the words are beautiful: If I can't take flight then inside I'll sing. Here's the video which is on youtube and it's possible to find the song on spotify as well. The song is in strophic form (verses) and it's lovely to listen how the arrangement of each verse is different.