Calan- Solmon

Dydd Gwyl Dewi Hapus! Pa ffordd well i ddathlu na i wrando ar band hudolus o Gymru sydd yn chwarae o gwmpas y byd ond yn rhoi Cymru ar y map! Calan! Band sydd yn cynnwys 5 o gerddorion Cymraeg ifanc a thalentog yw Calan sydd yn rhoi bywyd newydd a bywiog i ganeuon traddodiadol Cymru. Mae'r band yn gwneud hyn drwy eu harmoniau blodeuog ac alawon gwerth tapio eich traed! Maent yn perfformio reels a jigs traddodiadol sydd yn boblogaidd iawn ond yn eu chwarae yn gyflym ac yn gyffrous cyn trawsnewid i rywbeth hudolus a prydferth!

calan-band.com 
Solomon ydi albwm diweddaraf Calan ond ar ôl i'r band ryddhau eu albwm cyntaf sef Bling yn 2008 cafwyd adolygiad 4 seren gan y gwrandawyr. Ers hynny mae'r band wedi tyfu o nerth i nerth oherwydd bellach mae'r 5 yn chwarae yn fyw i gynulleidfaoedd mawr mewn cyngherddau ac amryw wyliau dros y byd er enghraifft:

  • Gwyl Gaergrawnt 
  • Celtic Connections
  • Gŵyl Werin Amwythig 
  • Gŵyl Werin Moseley 
  • Gwyl Werin Derby 
  • Gwyl Werin Bromyard, 
  • Gwyl Werin Whitby 
  • Taith o gwmaps Yr Eidal, Awstria a Gwlad Belg 
  • Gwyl Interceltique de Lorient, Llydaw, lle gwnaeth y band dderbyn y wobr am y grŵp gorau.
Folk Radio UK
Solomon

Ers i mi brynu yr albwm yma ar eu taith rhyddhau Solomon yn Pontio Bangor dydw i ddim wedi diflasu o gwbl ar y caneuon, os rhywbeth dw i'n dod i werthfawrogi y caneuon fwy y mwy rwy'n gwrando arnyn nhw. Mae gymaint o amrywiaeth yn yr albwm o ganeoun sydyn sydd yn eich cael i symud eich traed i rhai arafach llawn emsoiwn ond mae un yn siwr o daro tant gyda bob un ohonom ni oherwydd eu trefnianau hyfryd! Mae'r offerynnau yn arbennig wrth adeiladu'r gwead ar tensiwn i'r darnau. 
   Wedi i mi fod yn pendronni am amser hir yn ceisio meddwl pa un oedd fy ffefryn dw i yn meddwl mai yr un sydd yn mynd a hi ydi Kân oherwydd mae hi wir yn hollol wahanol i be fyddech chi yn ddisgwyl ei glywed mewn cân traddodiadol gwerin. Yn amlwg mae'r elfennau hyfryd gwerin dal yn y gân ond mae'r hud mae nhw wedi ei ddefnyddio fel band wedi dod a naws newydd i'r ffidlau, y delyn, gitar a'r accordion. Mae'r gytgan yn catchy a mae hi'n gân sydd yn llawn hwyl ac yn swnio'n chwaraeus. Fedrai ddim stopio gwrando arni! Byddwn i wir yn argymell i chi wrando ar yr albwm yma, wnewch chi ddim difaru! 

Comments

Post a Comment

Popular posts from this blog

Sorela

Image
    http://www.lisaangharad.com/sorela.html  Tair chwaer o Aberystwyth sydd yn canu acapella ydi Sorela ac y styr y gair Sorela yn Eidaleg yw ‘chwaer’.  Ffurfwyd y tair fel grŵp yn y flwyddyn 2014  ar ôl blynyddoedd o ganu gyda’u mam, Linda Griffiths, o’r grŵp gwerin Plethyn ac o ganlyniad mae arddull canu gwerin yn rhan annatod o’u sain . Mae'r tair yn canu amrywiaeth o wahanol ganeuon sef alawon gwerin traddodiadol Cymreig, clasuron y 50au a'r 90au, heb anghofio y rhai gwreiddiol! Maent yn canu rhain yn y Gymraeg a'r Saesneg. https://sainwales.com/store/sain/sain-scd2755        Mae Sorela wedi cael dipyn o lwyddiant yn cynnwys eu albwm a rhyddhawyd yn y flwyddyn 2016. Mae'r albwm yn cynnwys amrywiaeth o'u caneuon o'r rhai traddodiadol i rai pop. Fy hoff un i o'r albwm yw Blode gan ei bod hi'n hwyliog ac yn chwareus. Dw i'n hoffi geiriau y gân yma hefyd gan eu bod yn ddigri er enghraifft:  "Blode tew blode tenna', ma' nhw ...
Read more

Cyfweld Lleucu Gwawr

Image
 Es i ati i gyfweld cyn fyfyrwraig Coleg Meirion Dwyfor sef Lleucu Gwawr a holi chydig o gwestiynau iddi am ei chwrs prifysgol a'i swydd rwan. Diolch Lleucu am gymeryd rhan yn y blog! Dyma'r cwestiynau: 1. Pa gwrs wnaethoch chi astudio yn y brifysgol?  Ar ô l astudio Cerdd, Drama, Hanes, Cymraeg (AS) a'r BAC fel cyrsiau Lefel A, mi es i ymlaen i astudio cwrs 'BA Perfformio' yng Nghaerdydd. Roeddwn i'n lwcus iawn hefyd fod y cwrs yma'n cynnig y cyfle i astudio dramor ac felly treuliais 4 mis yn adran 'Theatre Arts' ym mhrifysgol 'California State University Long Beach'. 2. Be yn union oedd cynnwys y cwrs yma?  Roedd y cwrs yn cynnwys hyfforddiant mewn actio, canu a dawnsio dros gyfnod o ddwy flynedd. Golyga hyn fod gennyf wersi o 9 dan 5 o ddydd Llun i ddydd Gwener ac o 9 y bore dan 9 y nos pan yn gweithio ar gynyrchiadau mawr megis 'Deffro'r Gwanwyn', 'RENT' a 'I love you, you're perfect, now chang...
Read more

Emyr Rhys

Image
Yn dilyn y post diwethaf am Cân i Gymru es i ati i gyfweld Emyr Rhys sydd yn gweithio draw yng nghampws Dolgellau a fo gyfansoddodd y gân Tyrd yn Agos. Dw i wrth fy modd gyda'r gân yma gan ei bod hi mor "catchy" a bywiog. Mae'r riffs ar y gitar a'r lleisiau cefndir yn dod a'r gân yn fyw, yn enwedig yn ystod yr adran offerynnol. Mae hi'n gân llawn hwyl sydd yn gwneud i mi eisiau symud iddi. S4C.Cymru 1. Sut ydach chi yn mynd ati i ddechrau cyfansoddi? Yn anaml iawn byddai'n eistedd i lawr i gyfansoddi efo offeryn yn fy nwylo. Mae'r gân fel arfer yn dod imi tra fy mod i'n gwneud pethau eraill. Yn aml iawn yn hwyr yn y nos. Yna rwy'n mynd i offeryn a recordio'r syniad i'r ffôn er mwyn cadw cofnod ohonni. Ers talwm (cyn ffonau 'smart') roeddwn i'n sgriblo syniadau ar darn o maniwsgript, ond mae hynny'n llai effeithiol. 2. Oes gen y chi unrhyw dips ar gyfer cyfansoddi? Mae angen trio plethu ffrwyth y dychym...
Read more