Gradd mewn Therapi Cerdd


https://www.bangor.ac.uk/index.php.en

Mi wnes i gysylltu gyda darlithydd Cerdd ym Mhrifysgol Bangor sef Gwawr Ifan i holi am therapi cerdd oherwydd bod gen i ddiddordeb yn y maes yma ac roeddwn i yn meddwl y byddai yn ddiddorol i weld beth yn union ydi therapi cerdd. Felly holwyd myfyrwyr yr 2il a 3ydd flwyddyn am therapi cerdd, gan eu bod nhw'n dilyn y modiwlau Cerddoriaeth mewn Iechyd a Lles. Felly dyma chi wybodaeth am therapi cerdd gobeithio y bydd o ddiddordeb i chwi! Diolch yn fawr iawn i bawb wnaeth gymeryd rhan!

1. Beth yn union ydi therapi cerdd?

Mae therapi cerdd yn broffesiwn arbenigol sy'n dilyn blynyddoedd o hyfforddiant. Mae therapydd cerdd yn helpu amrywiol grwpiau o bobl (e.e. plant awtistig; pobl gyda dementia) drwy gyfrwng cerddoriaeth.  Yn bennaf, mae'n helpu pobl i gyfathrebu pan maent yn ei chael yn anodd i ddefnyddio iaith.  Fel arfer, nid yw'n 'gwella' pobl, ond mae'n eu helpu yn emosiynol ac yn gymdeithasol i ddelio gyda'u sefyllfa. 

2. Ydach chi yn meddwl bod cerdd yn bwysig er mwyn helpu unigolion ddod drwy adegau anodd?  3. Sut mae gwneud hyn?

Mae'n gallu bod yn arbennig o ddefnyddiol i bobl sy'n mynd drwy gyfnodau anodd pan nad ydynt yn gallu siarad neu gyfathrebu.  Mae'n gallu helpu i atgoffa pobl o ddigwyddiadau yn eu gorffennol, neu helpu i greu neu fynegi emosiynau penodol.  Weithiau, mae math arbennig o therapi (e.e. therapi feibroacwstig, sy'n defnyddio dirgryniadau o gerddoriaeth) yn gallu cael ei ddefnyddio i drion cyflyrau ffisegol hefyd.


4. Byddai pawb yn elwau o therapi cerdd?

Mae'r rhan fwyaf o bobl yn mwynhau cerddoriaeth o ryw fath, ond mae theapi cerdd yn fwy arbenigol. Fyddai therapi cerdd ddim yn addas i bawb efallai, ond mae yn arbennig o effeithiol gyda rhai grwpiau penodol e.e. awtistiaeth; dementia ayyb.  

5. Ydych yn credu bod diffyg pobl yn y maes therapi cerdd? / 
Oes digon yn cael ei wneud er mwyn hyrwyddo therapi cerdd yn eich barn chi?
Mae prinder ymwybyddiaeth am y pwnc yn bendant, ac mae prinder darpariaeth, yn enwedig mewn ardaloedd gwledig. Mae angen cyllid er mwyn gallu datblygu mwy o brosiectau, datblygu mwy o dystiolaeth gadarn o effaith therapi cerdd, a thrwy hyn godi ymwybyddiaeth am ei bwysigrwydd. 

Am fwy o wybodaeth am therapi cerdd / y celfyddydau mewn iechyd a lles, gweler: 

Comments

Post a Comment

Popular posts from this blog

Sorela

Image
    http://www.lisaangharad.com/sorela.html  Tair chwaer o Aberystwyth sydd yn canu acapella ydi Sorela ac y styr y gair Sorela yn Eidaleg yw ‘chwaer’.  Ffurfwyd y tair fel grŵp yn y flwyddyn 2014  ar ôl blynyddoedd o ganu gyda’u mam, Linda Griffiths, o’r grŵp gwerin Plethyn ac o ganlyniad mae arddull canu gwerin yn rhan annatod o’u sain . Mae'r tair yn canu amrywiaeth o wahanol ganeuon sef alawon gwerin traddodiadol Cymreig, clasuron y 50au a'r 90au, heb anghofio y rhai gwreiddiol! Maent yn canu rhain yn y Gymraeg a'r Saesneg. https://sainwales.com/store/sain/sain-scd2755        Mae Sorela wedi cael dipyn o lwyddiant yn cynnwys eu albwm a rhyddhawyd yn y flwyddyn 2016. Mae'r albwm yn cynnwys amrywiaeth o'u caneuon o'r rhai traddodiadol i rai pop. Fy hoff un i o'r albwm yw Blode gan ei bod hi'n hwyliog ac yn chwareus. Dw i'n hoffi geiriau y gân yma hefyd gan eu bod yn ddigri er enghraifft:  "Blode tew blode tenna', ma' nhw ...
Read more

Cyfweld Lleucu Gwawr

Image
 Es i ati i gyfweld cyn fyfyrwraig Coleg Meirion Dwyfor sef Lleucu Gwawr a holi chydig o gwestiynau iddi am ei chwrs prifysgol a'i swydd rwan. Diolch Lleucu am gymeryd rhan yn y blog! Dyma'r cwestiynau: 1. Pa gwrs wnaethoch chi astudio yn y brifysgol?  Ar ô l astudio Cerdd, Drama, Hanes, Cymraeg (AS) a'r BAC fel cyrsiau Lefel A, mi es i ymlaen i astudio cwrs 'BA Perfformio' yng Nghaerdydd. Roeddwn i'n lwcus iawn hefyd fod y cwrs yma'n cynnig y cyfle i astudio dramor ac felly treuliais 4 mis yn adran 'Theatre Arts' ym mhrifysgol 'California State University Long Beach'. 2. Be yn union oedd cynnwys y cwrs yma?  Roedd y cwrs yn cynnwys hyfforddiant mewn actio, canu a dawnsio dros gyfnod o ddwy flynedd. Golyga hyn fod gennyf wersi o 9 dan 5 o ddydd Llun i ddydd Gwener ac o 9 y bore dan 9 y nos pan yn gweithio ar gynyrchiadau mawr megis 'Deffro'r Gwanwyn', 'RENT' a 'I love you, you're perfect, now chang...
Read more

Emyr Rhys

Image
Yn dilyn y post diwethaf am Cân i Gymru es i ati i gyfweld Emyr Rhys sydd yn gweithio draw yng nghampws Dolgellau a fo gyfansoddodd y gân Tyrd yn Agos. Dw i wrth fy modd gyda'r gân yma gan ei bod hi mor "catchy" a bywiog. Mae'r riffs ar y gitar a'r lleisiau cefndir yn dod a'r gân yn fyw, yn enwedig yn ystod yr adran offerynnol. Mae hi'n gân llawn hwyl sydd yn gwneud i mi eisiau symud iddi. S4C.Cymru 1. Sut ydach chi yn mynd ati i ddechrau cyfansoddi? Yn anaml iawn byddai'n eistedd i lawr i gyfansoddi efo offeryn yn fy nwylo. Mae'r gân fel arfer yn dod imi tra fy mod i'n gwneud pethau eraill. Yn aml iawn yn hwyr yn y nos. Yna rwy'n mynd i offeryn a recordio'r syniad i'r ffôn er mwyn cadw cofnod ohonni. Ers talwm (cyn ffonau 'smart') roeddwn i'n sgriblo syniadau ar darn o maniwsgript, ond mae hynny'n llai effeithiol. 2. Oes gen y chi unrhyw dips ar gyfer cyfansoddi? Mae angen trio plethu ffrwyth y dychym...
Read more