Miskin

 Llun: Kristina Banholzer
Mae Miskin yn fand lleol cyffrous â ffurfwyd yn Coleg Meirion Dwyfor. Mae'r band yn tyfu o nerth i nerth a rwyf yn edrych ymlaen i glywed mwy o eu caneuon a eu gweld mewn mwy o ddigwyddiadau i ddod. Diolch yn fawr i'r band am gyfrannu i'r blog drwy gymeryd amser i ateb ein cwestiynau.

1. Eglurwch chydig am hanes y band fel sut y ffurfwyd ac yn y blaen.
Dani bellach yn mynd o dan yr enw Miskin, ond yn wreiddiol ffurfwyd Pyroclastig (enw’r band yn wreiddiol) yng Ngholeg Meirion-Dwyfor, Pwllheli. Roeddwn i wastad wedi isio bod mewn band, felly roedd cychwyn coleg yn gyfla perffaith i ffeindio rei erill oedd hefyd awydd bod mewn band. Ar ol dipyn o lwyddiant hefo gigs penderfynom fynd i’r stiwidio i recordio EP gaeth ei ryddhau dan label Rasal (Sain) yn ystod haf 2017. Ymunodd Llew Glyn ar y gitar yn ar ol haf 2017, a fe adawodd Kieran Roberts (allweddell) y band, nath hynny newid dipyn ar swn y band, felly penderfynom gael llechan lan o dan yr enw Miskin. 

Llun:Kristina Banholzer
2.Pwy sydd yn yn y band i gyd a be ydi rhan pawb?
Hawys Williams - gitar fas a llais; Llyr Wyn - saxophone; Gethin Glyn - gitar a llais; Llew Glyn - Gitar; Gruff Elidir- Dryms.
Llun: Kristina Banholzer
3.Ydach chi yn chwarae mewn dipyn o gigs?
Ar y cyfan dani wedi bod yn lwcus iawn ‘fo gigs, yn enwedig ar y dechra. Roedd ‘na lot o gigs da yn cael ei trefnu yng Nglwb Rygbi Pwllheli, yn cynnwys ein gig cynta’n cefnogi Swnami! Dani wedi chwarae yn Neuadd Buddug, Y Bala; Saith Seren Wrecsam a Clwb Ifor Bach, Caerdydd. Ond dwi’n siwr bysa pawb yn cytuno mae’r uchafbwynt oedd chwarae ar Lwyfan y Maes Eisteddfod 2016 fel rhan o gystadleuaeth Brwydr y Bandia.
Llun: Kristina Banholzer
4.Sut byddech chi yn disgrifio eich cerddoriaeth i’r rhai sydd efallai ddim mor gyfarwydd â'ch caneuon.
Roc efo chydig o saxphone! (Mae stwff diweddara Miskin fyny ar soundcloud)

5.Oes gennych chi "dips" i rhywun sy'n meddwl dechrau band yng Ngholeg Meirion-Dwyfor?
Jest ewch amdani! Mwya’n byd newchi roid mewn i’r band, mwya gewch chi ohono. Mae’n gallu bod yn lot o waith ar adega ond ma’r amseroedd da a’r atgofion yn neud o i gyd werth o!

Comments

Post a Comment

Popular posts from this blog

Gradd mewn Therapi Cerdd

Image
https://www.bangor.ac.uk/index.php.en Mi wnes i gysylltu gyda darlithydd Cerdd ym Mhrifysgol Bangor sef Gwawr Ifan i holi am therapi cerdd oherwydd bod gen i ddiddordeb yn y maes yma ac roeddwn i yn meddwl y byddai yn ddiddorol i weld beth yn union ydi therapi cerdd. Felly holwyd myfyrwyr yr 2il a 3ydd flwyddyn am therapi cerdd, gan eu bod nhw'n dilyn y modiwlau Cerddoriaeth mewn Iechyd a Lles. Felly dyma chi wybodaeth am therapi cerdd gobeithio y bydd o ddiddordeb i chwi! Diolch yn fawr iawn i bawb wnaeth gymeryd rhan! 1. Beth yn union ydi  therapi   cerdd ? Mae  therapi   cerdd  yn broffesiwn arbenigol sy'n dilyn blynyddoedd o hyfforddiant. Mae therapydd  cerdd  yn helpu amrywiol grwpiau o bobl (e.e. plant awtistig; pobl gyda dementia) drwy gyfrwng cerddoriaeth.  Yn bennaf, mae'n helpu pobl i gyfathrebu pan maent yn ei chael yn anodd i ddefnyddio iaith.  Fel arfer, nid yw'n 'gwella' pobl, ond mae'n eu helpu yn emosiynol ac...
Read more

Hoff gân Queen

Image
Llun: Stereogum  Rwy'n siwr eich bod wedi clywed am y fflim, Bohemian Rhapsody (mae'n boblogaidd iawn!). Mae'r ffilm wedi ennil dipyn o wobrau a mae brolio mawr wedi bod. Mae hon yn fflim gwerthchweil i unrhywun sydd â diddordeb mewn cerddoriaeth yn enwedig oherwydd ein bod ni ar ganol astudio Roc a Pop fel rhan o ein cwrs AS Cerddoriaeth. Felly es i ati i holi rhai o fy ffrindiau am eu hoff trac gan y band Queen. Alaw Another One Bites The Dust - Heb unrhyw amheuaeth dyma fy hoff gân gan y band oherwydd mae'n gwneud i chi eisiau symud eich traed i'r beat yn syth oherwydd mae'r bas yn ei gwneud yn "catchy" a mae'r riffs ar y gitar a'r clapio yn ei gwneud yn gofiadwy! Erin Don't stop me know - Dyma fy hoff gân oherwydd mae hi'n glasur o gân ac yn un sydd yn aros yn y cof ar ôl gwrando arni unwaith. Rheswm arall dros dewis y gân yma fel fy ffefryn ydi ei bod hi yn gân mor "catchy" ac yn sicr byddwch yn ei chanu yn eich p...
Read more

Iestyn Tyne (Cyfweliad)

Image
Roedd Iestyn Tyne’n fyfyriwr yn y Coleg rhwng 2013-2015, mae o’n fardd ac yn ffeiolinydd gwerin ardderchog. Yr haf yma cafodd gyfuno ei ddau ddiddordeb, barddoni a cherddoriaeth werin yn rhan o’r band Pendevig. Diolch yn fawr iddo fo am dreulio ei amser i gyfrannu i'r blog. 1. Eglura chydig o dy hanes a beth wyt ti'n ei wneud dyddia yma. Llun: Richard P. Walton Rydw i'n fab ffarm o Ben Llŷn sydd bellach yn byw yn Nhwthill, Caernarfon. Cefais fy addysg gynnar yn Ysgol Gynradd Pentreuchaf cyn symud ymlaen i Ysgol Uwchradd Botwnnog a Choleg Meirion Dwyfor, Pwllheli. Saesneg oedd iaith yr aelwyd adref, ond mi ddysgais i siarad Cymraeg yn gyflym iawn yn yr ysgol ac mae wedi bod yn rhan annatod o fy mywyd ers hynny. Graddiais yn y Gymraeg o Brifysgol Aberystwyth eleni. Jyglo sawl peth ydi fy hanes i ar hyn o bryd! Am dridiau yr wythnos, dwi'n gweithio fel cyfieithydd i Gyngor Sir Conwy. Rydw i yno ers rhyw dair mis bellach, ac yn mwynhau'r gwaith. Rydw i'n t...
Read more