Gŵyl Gerdd Dant Blaenau Ffestiniog a'r Fro 2018

      Blaennau Ffestiniog a'r Fro oedd yn cynnal yr Wŷl Cerdd Dant eleni ac roedd hi'n wŷl i'w chofio! I'r rhai ohonnoch sydd ddim yn siwr beth yw'r wŷl, wel gŵyl llawn traddodiadau Cymreig sydd yn dathlu ein Cymreictod ydyw. Caiff llawer o wahanol gystadleuthau eu cynnal yno er enghraifft cystadleuthau canu a dawnsio gwerin,  canu a cyfeilio i gerdd dant, llefaru i gyfeiliant ac unawdau neu ensamble telynau. Felly mae digon o amrywiaeth yno sydd yn denu llawer o bobl dros Gymru!

 Fy mhrofiad i yn yr wŷl gyda Aelwyd Chwilog a Côr Yr Heli

      Roedd yr wŷl eleni yn un llwyddiannus iawn i Aelwyd Chwilog. Cymerais i ran yn y parti cerdd dant oedran uwchradd a daethom yn 3ydd. Mwynhais gystadlu yn fawr iawn. Hwn oedd y 3ydd tro yn cystadlu yn yr Wŷl Gerdd Dant gyda'r aelwyd, felly roedd yr holl waith caled yn werth o yn y diwedd. Hoffwn ddiolch yn fawr i Carys Jones am ein hyfforddi gyda'r cerdd dant ond hefyd i Pat Jones am hyfforddi'r alaw werin a Alun Jones yn hyfforddi'r partïon llefaru. Bûm yn cystadlu gyda Côr Yr Heli hefyd yn y gystadleuaeth Côr Cerdd Dant Agored a daethom yn 3ydd. Hoffwn ddiolch i Gwenan Gibbard a Alwena Roberts am eu holl waith caled yn ein hyfforddi.
     Mae cystadlu mewn digwyddiadau fel hyn yn bwysig iawn yn fy marn i oherwydd mae'n helpu gyda hyder ac yn brofiad gwerth chweil. Mae'n bwysig cadw ein diwylliant yn fyw a cadw'r traddodiadau i fynd! Byddwn yn argymell i unrhyw un ohonoch ymuno â chôr oherwydd mae'n rhywbeth hynnod dda i ni a dylai pawb ei drio! Mae bod yn rhan o'r ddau gôr wedi helpu fy hyder ac wedi rhoi cyfleoedd newydd i mi gymdeithasu a rwyf wedi dod ar draws ffrindiau newydd sydd yn rhannu yr un diddordeb â mi sef canu! Rheswm arall pam y byddwn yn awgrymu unrhyw un i ymuno â chôr byddai oherwydd mae mynd i'r ymarferion yn ddihangfa o brysurdeb bywyd ac yn rhywbeth braf i'w wneud!
                                         _________________________________________________________________________________
   
"Hyfryd oedd gweld cyn nifer yn cystadlu unwaith eto eleni. Braf oedd gweld cyn nifer o fyfyrwyr y coleg yn parhau i ymddiddori yn eu diwylliant ac yn cystadlu'n frwd mewn llu o gystadlaethau gyda'r aelwyd leol, Aelwyd Chwilog. Mawr oedd llwyddiant yr Aelwyd eto eleni wrth iddynt ddod yn fuddugol mewn sawl cystadleuaeth! Cyntaf yn y Grŵp Llefaru Oedran Cynradd, cyntaf gyda Grŵp Llefaru Uwchradd, trydydd gyda'r Parti Cerdd Dant Oedran Uwchradd a thrydydd gyda'r Parti Gwerin Oedran Uwchradd. Mae ein diolch yn fawr iawn i Alun Jones, Carys Jones a Pat Jones am wirfoddoli eu hamser ar hyd y blynyddoedd ag i roi cyfleoedd i bobl ifanc y fro! Braf oedd clywed ceiniciau cyfoethog Einir Wyn Jones mewn sawl cystadleuaeth eleni hefyd a hithau yn wyneb cyfarwydd i ni fel myfyrwyr Coleg Meirion Dwyfor. Hyfforddodd sawl parti cerdd dant o’r ardal wrth ddysgu’n ysgol Glan y Môr. Cafwyd perfformiad gwefreiddiol gan Gôr yr Heli yng nghystadleuaeth y corau cerdd dant, ac roedd yn galonogol gweld rhai o fyfyrwyr presennol y coleg ynghyd a chyn-fyfyrwyr yn aelodau o'r côr. Ymlaen am Lanelli yn 2019!"

Gronw Ifan

Disgybl Lefel A Cerdd